လူမှုရေးဝန်ကြီး
လူမှုရေးဝန်ကြီးရုံး
ပဲခူးတိုင်းဒေသကြီး အစိုးရအဖွဲ့
အကြောင်းအရာ။ ။ ပဲခူမြို့ ဆေးရုံရံပုံငွေ ဆေးဆိုင်ကိစ္စ။
ပဲခူးမြို့ဆေးရုံကြီးတွင် ဆေးနှင့်ဆေးပစ္စည်းတစ်ဦးတည်း ရောင်းချခွင့်လိုင်စင်
ရသူမှတင်ပြ ခြင်းဖြစ်ပါသည်။
ကျွန်တော်သည် ၂၀၁၂ခုနှစ် ဒီဇင်ဘာလ (၁)ရက်နေ့မှ ၂၀၁၃ နိုဝင်ဘာလကုန်အထိ (တစ်နှစ်) ပဲခူးမြို့ဆေးရုံကြီးတွင် တစ်ဦးတည်း ဆေးနှင့်ဆေးပစ္စည်း ရောင်းခွင့် လေလံ
အောင်ထားသူဖြစ်ပါသည်။တစ်နှစ်စာ ကျပ်သိန်းသုံးရာကျော် ကျသင့်ပါသည်။ တလုံးတည်း ကျပ်သိန်းတစ်ရာပေးထားပြီး လစဉ်ကျန်ငွေ ကျပ်သိန်းနှစ်ရာကို ဆေးရုံအကျိုးတော်ဆောင်
ကော်မတီသို့ လစဉ်ပေးသွင်းရပါသည်။
ယခု ရှစ်လကျော်ပြီဖြစ်ပါသည်။ သုံးလကျော်သာကျန်တော့ သော်လည်း အရင်းပင်မရ
သေးပါ။
ယခင်နှစ်များက ဆေးရုံမှ ဆေးဝယ်သူများကို ဆေးရုံသက်သာဆိုင် (လေလံအောင်သူ
ဆိုင်) သို့ဝယ်စေသော်လည်း ယခုအခါ အပြင်ရှိဆိုင်များသို့ ပြောင်းပြောင်တင်းတင်းပင် ဆရာမ
များက စေလွှတ်ပါသည်။
လိုသူကိုတမျိုး၊ မလိုသူကိုတမျိုး ဆက်ဆံပါသည်။ ၄င်းတို့ရလိုသူ မရ၍ ကျွန်တော်တို့
စီးပွားရေးကိုတိုက်ခိုက်ပါသည်။
အစိုးရက ဆေးများထောက်ပံ့နေ၍ ဆေးရုံဝန်းအတွင်း အပြင်ဆေးဆိုင်လာဖွင့်ရန် မလိုလျှင်လည်း ကျွန်တော်တို့သွင်းထားသော ငွေများအား အနည်းငယ်ပြန်ပေးရန် ဆေးရုံ
ကော်မတီ သို့ တောင်းခံသော်လည်းမရပါ။ ဆက်ရောင်းနေသော်လည်းဝယ်သူကို ဘယ်မှာဝယ် ၀ယ်ရသည်ဟု တမျိုးပြောခြင်း၊ အပြင်မှ ဆိုင်များ၏ ဆိုင်လိပ်စာရိုက်နှိပ်ထားသော စာရွက်များ
ဖြင့် ဆေးစာရေး၍ (ကော်မရှင်းစားဖြင့်) လွှတ်ခြင်းများ ရှိနေပါသဖြင့် ထိရောက်စွာ စီစစ်အရေး
ယူပေးပါရန် ရိုသေလေးစားစွာဖြင့် တင်ပြတိုင်ကြားအပ်ပါသည်။
(အထောက်အထားစာရွက် ပူးတွဲပါရှိပါသည်။)
ဦးကိုကိုလေး
ထွဋ်ခေါင်ဆေးဆိုင်ပိုင်ရှင်
မိတ္တူကို
- နိုင်ငံတော်သမ္မတကြီး သမ္မတရုံး နေပြည်တော်
>>>>>>>>>>>>>>>>>>>>>>>>>>>>>>>>>>>>
“ံHWH ဥုံ ပေးစာ၊တိုင်စာ၊ရင်ဖွင့်စာ ကဏ္ဍ”သို့ သတင်း၊သုတ၊ရသ၊ဆောင်းပါးများ ပေးပို့လိုပါက >>>hwhforandroid@gmail.com သို့ ဆက်သွယ်ပေးပို့နိုင်ပါပြီ။
ပေးပို့သူများအနေနဲ့ အမည်၊ နေရပ်လိပ်စာတို၊ဖုန်းနံပါတ် အပြည့်အစုံကို ထည့်ရေးပေးစေလိုပါတယ်။ (ပြည်တွင်းပြည်ပ သတင်းဌာနများ၏ သတင်းစာ၊ ဂျာနယ်များတွင် ဖော်ပြနိုင်ရန် ဆက်သွယ်မေးမြန်း စုံစမ်းနိုင်ရန် ရည်ရွယ်သည်)
No comments:
Post a Comment